01.04.2010
01.11.2010
2010 թ. ապրիլի 1-ից «Ագաթ» հատուկ կարիքներով կանանց կենտրոն հասարակական կազմակերպությունն իրականացրեց «Բոլորը կարող են 2» ծրագիրը: Այն ֆինանսավորվում էր «Բաց Հասարակության ինստիտուտի օժանդակության հիմնադրամի Հայաստանյան գրասենյակի» կողմից: Ծրագրի տևողությունն 8 ամիս էր:
«Ագաթ» հկ-ի նախաձեռնություններից էր բարձրացնել Շիրակի մարզում հասարակության իրազեկությունը հաշմանդամների ՄԱԿ-ի կոնվենցիայի վերաբերյալ: Իրականացվեցին կլոր սեղաններ Շիրակի մարզի հինգ կենտրոններում (Անի, Ախուրյան, Արթիկ,Աշոցք, Ամասիա)` գյուղապետարանների, խնամքի կենտրոնների, հաշմանդամների և համայնքի մասնակցությամբ: Այս ծրագրի շահառուներն էին վերոնշյալ տարածաշրջանների և Գյումրու թվով 40 հաշմանդամություն ունեցող կանայք և աղջիկները:
«Ագաթ» հկ-ն իրականացրեց լիդերության, անգլերենի, ժեստերի լեզվի, վարսահարդարության, համակարգչային օպերատորության, սեղանի ձևավորման, տորթերի և թխվածքների պատրաստման, ձեռագործության և ուլունքագործության, դիմահարդարման, լողի, այգեգործության, ընդհանուր զարգացման, ուղղագրության և ուղղախոսության դասընթացներ:
Այս ծրագրի շրջանակներում «Ագաթ» հկ-ն համագործակցեց Երևանի «Դիալոգ» կենտրոնի հետ. մեր կենտրոնի սոցիալական աշխատողը և հոգեբանը մասնակցեցին ժեստերի լեզվի դասընթացներին և ստացան համապատասխան վկայականներ: Նրանք անցկացրեցին ժեստերի լեզվով դասընթացներ խուլ և թույլ լսողություն ունեցող շահառուների համար: Կենտրոնի հոգեբանի կողմից շահառուներին տրվեց հոգեբանական խորհրդատվություն. իրականացվեց անհատական և խմբային աշխատանք:
«Ագաթ» հկ-ի կողմից կազմակերպվեցին տարբեր մշակութային միջոցառումներ, ազգային տոներին նվիրված միջոցառումներ, ֆիլմերի ցուցադրում, էքսկուրսիաներ դեպի Հայաստանի պատմամշակութային վայրեր: