«Ագաթ» հաշմանդամություն ունեցող կանանց իրավունքների պաշտպանության կենտրոն ՀԿ-ն «Հզորացրու՛ կնոջը. կոտրելով արգելքները վերջ տանք բռնությանը» ենթադրամաշնորհային ծրագրի շրջանակներում հայտարարում է կանանց և աղջիկների զորեղացման երկօրյա աշխատաժողով Գյումրիում, որը նախատեսված է Հայաստանի տարբեր մարզերից հաշմանդամություն ունեցող 25 կանանց և աղջիկների, ինչպես նաև Լեռնային Ղարաբաղից տեղահանված հաշմանդամություն ունեցող կանանց և աղջիկների համար:
Աշխատաժողովի մանրամասները՝
Ամսաթվերը: սեպտեմբերի 28-29
Վայրը: Գյումրի, Հայաստան
Ով կարող է մասնակցել՝
- Հաշմանդամություն ունեցող կանայք և աղջիկներ Հայաստանի տարբեր մարզերից և Երևան քաղաքից
- Լեռնային Ղարաբաղից տեղահանված հաշմանդամություն ունեցող կանայք և աղջիկներ
Աշխատաժողովի նպատակը՝
Այս աշխատաժողովի նպատակն է կրթել և հզորացնել հաշմանդամություն ունեցող կանանց՝ անդրադառնալով հաշմանդամության և գենդերային հիմքով բռնության հետ կապված կարևոր խնդիրների:
Հիմնական թեմաները ներառում են՝
- Բռնության դրսևորումների ճանաչում: Սովորել ճանաչել բռնության տարբեր տեսակները և հասկանալ նախազգուշական նշանները։
- Իրավունքների ընկալում: Ստանալ իրավունքների և բռնությունից ու խտրականությունից պաշտպանության մասին իրավական գիտելիքներ։
- Ինքնապաշտպանության խորհուրդներ: Ինքնապաշտպանության գործնական տեխնիկաներ և անվտանգության խորհուրդներ հաշմանդամություն ունեցող կանանց և աղջիկների համար։
- Բողոքարկման ընթացակարգեր: Քայլ առ քայլ ուղղորդում բռնության և չարաշահման դեպքերի բողոքարկման գործընթացում։
- Աջակցման ծառայությունների հասանելիություն: Տեղեկատվություն աջակցման ծառայությունների վերաբերյալ, ներառյալ իրավական աջակցության, խորհրդատվության և ապաստանների վերաբերյալ։
Աշխատաժողովից հետո դասընթացի մասնակից հաշմանդամություն ունեցող 25 կանայք և աղջիկները, որոնք ներկայացնում են Երևանն ու Հայաստանի այլ տաս մարզերը, կտրամադրեն փոխօգնություն և մենթորություն առնվազն հինգ կանանց և աղջիկների իրենց մարզերում և համայնքներում: Այս աջակցությունը կներառի.
- Փորձի փոխանակում։ Մասնակիցները կկիսվեն իրենց անցած ուղիով, սեփական փորձառությամբ, մարտահրավերներով և հաջողություններով։ Փորձառությունների այս փոխանակումը նպատակ ունի ոգեշնչել և հզորացնել այլոց՝ ցույց տալով, որ նրանք միայնակ չեն իրենց պայքարում:
- Փոխօգնություն։ Ստեղծելով աջակցության ցանց՝ այս մենթորները կտրամադրեն զգացմունքային և գործնական աջակցություն։ Սա կարող է ներառել մտահոգություններ լսելը, խորհուրդներ տալը և խրախուսելը՝ խթանելով համերաշխությունն ու միասնությունը։
- Տեղեկատվության փոխանակում աջակցության հասանելիության վերաբերյալ: Մենթորները կտարածեն կարևոր տեղեկատվություն հասանելի ռեսուրսների և ծառայությունների մասին, ինչպիսիք են առողջապահությունը, կրթությունը, աշխատանքի հնարավորությունները և իրավական իրավունքները: Նրանք կուղղորդեն այլ հաշմանդամություն ունեցող կանանց և աղջիկներին, թե ինչպես օգտվեն տարբեր համակարգերից և ստանան իրենց անհրաժեշտ աջակցությունը:
Ինչպես գրանցվել՝
Աշխատաժողովին մասնակցելու համար խնդրում ենք գրանցվել՝ հետևելով այս հղմանը: Տեղերը սահմանափակ են, ուստի խորհուրդ ենք տալիս գրանցվել հնարավորինս շուտ՝ Ձեր տեղն ապահովելու համար:
Միացեք մեզ՝
Սա անգնահատելի հնարավորություն է կապվելու հաշմանդամություն ունեցող այլ կանանց և աղջիկների հետ, կիսվելու փորձով և ձեռք բերելու էական գիտելիքներ և հմտություններ հաշմանդամության և գենդերային հիմքով բռնության հետևանքով առաջացած մարտահրավերները հաղթահարելու համար:
Անհամբեր սպասում ենք Ձեզ ողջունելու այս աշխատաժողովի ընթացքում և միասին աշխատելու՝ բոլոր կանանց և աղջիկների համար առավել ապահով և ներառական համայնք կառուցելու նպատակով:
«Հզորացրու՛ կնոջը. կոտրելով արգելքները վերջ տանք բռնությանը» ենթադրամաշնորհային ծրագիրն իրականացվում է «Ագաթ» հաշմանդամություն ունեցող կանանց իրավունքների պաշտպանության կենտրոն ՀԿ-ի կողմից «ՀԱՎԱՍԱՐ – ԵՄ-ն հանուն կանանց իրավազորման Հայաստանում» ծրագրի շրջանակներում։ Ծրագիրն իրականացվում է ՕքսԵՋեն հիմնադրամի, «Եվրոպական գործընկերություն հանուն ժողովրդավարության» ՀԿ-ի, «Նիդեռլանդների հելսինկյան կոմիտե» ՀԿ-ի, «Կանանց աջակցման կենտրոն» ՀԿ-ի, «ՎԻՆՆԵԹ Գորիս» զարգացման հիմնադրամի կողմից, «Վիննեթ Շվեդիա» ՀԿ-ի հետ համագործակցությամբ։ Ծրագիրը ֆինանսավորվում է Եվրոպական միության կողմից։