Կազմակերպություն` «Ագաթ» հաշմանդամություն ունեցող կանանց իրավունքների պաշտպանության կենտրոն ՀԿ
Պայմանագրի ժամկետ՝ 25.06-20.07.2024
Գտնվելու վայրը՝ ք. Գյումրի
Դիմելու վերջնաժամկետ՝ 20.06.2024
«Ագաթ» ՀԿ-ն հրավիրում է փորձագետ-դասընթացավարների կազմակերպության աշխատակիցների և կամավորների հմտությունների զարգմացման դասընթացներ անցկացնելու համար:
Դասընթացների թեմաներն են՝
- Դրամաշնորհային ծրագրերի մշակում և կառավարում
- Հաշվետվությունների կազմում
- Ծրագրային բյուջեի և բյուջեի նկարագրի մշակում
- Ծրագրային մոնիտորինգ, արդյունքների գրանցում և գնահատում
Դասընթացների նպատակներն են՝
- Կազմակերպության ծրագրերի մշակման, կառավարման, հաշվետվությունների և բյուջեների կազման գործընթացներում հնարավորինս շատ աշխատակիցների ներգրավում:
- Կազմակերպության անձնակազմին ազդեցիկ, արդյունավետ և ֆինանսավորվող նախագծերի առաջարկներ մշակելու համար անհրաժեշտ նորարարական հմտություններով և գիտելիքներով զինում։
- Ծրագրերի արդյունավետ կառավարման հմտությունների բարելավում:
- Ճշգրիտ և իրատեսական ֆինանսական պլանավորման և բյուջետավորման հմտությունների զարգացում:
- Հաշվետվություններ գրելու հմտությունների զարգացում և ամրապնդում՝ տարբեր դոնորների պահանջները բավարարելու և թափանցիկությունն ու հաշվետվողականությունը բարելավելու համար:
Պարտականություններ
- Դասընթացի մոդուլի, օրակարգի և նյութերի մշակում:
- Դասընթացի նախնական և վերջնական գիտելիքի գնահատում, վերլուծության ներկայացում:
- Յուրաքանչյուր թեմայով 8 ժամ տևողությամբ դասընթացի անցկացում:
Պարտականությունները ըստ թեմաների՝
- Դրամաշնորհային նախագծի/ծրագրի առաջարկների հայտերի պատրաստում. անցկացնել դասընթաց գրագետ և մրցունակ նախագծերի առաջարկների մշակման վերաբերյալ, որոնք համահունչ են կազմակերպության առաքելությանը, ռազմավարությանը և դոնորների պահանջներին:
- Ծրագրերի կառավարում. անցկացնել խորը ուսուցում ծրագրի պլանավորման, կառավարման, իրականացման և մշտադիտարկման վերաբերյալ` ծրագրով նախատեսված արդյունքներ ապահովելու համար:
- Բյուջետավորում. անցկացնել դասընթաց բյուջետավորման արդյունավետ մեթոդների, ֆինանսական պլանավորման և ծախսերի կառավարման թեմաներով` ֆինանսապես կենսունակ և կայուն ծրագրեր նախագծելու և բյուջեյի արդյունավետ օգտագործելու նպատակով:
- Հաշվետվությունների կազմում. անցկացնել դասընթաց և ուղղորդել մասնակիցներին համապարփակ և ճշգրիտ հաշվետվություններ պատրաստելու հարցում, որոնք համապատասխանում են տարբեր դոնորների չափանիշներին և բարձրացնում են ծրագրի վստահելիությունը:
Պահանջվող որակավորումներ
- Համապատասխան ակադեմիական որակավորում կամ մասնագիտական հավաստագրեր:
- Առաջադրված թեմային համապատասխան աշխատանքային 3 տարվա փորձ:
- Վերապատրաստումներ կամ համապատասխան դասընթացներ անցկացնելու փորձ` մասնավորապես ՀԿ-ների կամ այլ կազմակերպությունների համար:
- Հաղորդակցման և ներկայացման հմտություններ:
- Նորարարական մեթոդների և գործիքակազմերի տիրապետում:
- Ուսուցման մեթոդները հարմարեցնելու հմտություն:
Հետաքրքրված թեկնածուներին խնդրում ենք մինչև հունիսի 20-ը ներկայացնել հետևյալ փաստաթղթերը [email protected] էլ. հասցեին՝ թեմայի տողում նշելով դասընթացի թեման.
- Ինքնակենսագրություն (CV), որը արտացոլում է համապատասխան փորձը և որակավորումները:
- Ուղեկցող նամակ, որը նկարագրում է վերապատրաստման Ձեր մոտեցումը և ինչպես է Ձեր փորձը համապատասխանում դասընթացի նպատակներին:
Լրացուցիչ տեղեկությունների համար կարող եք դիմել [email protected] էլ. հասցեով, կամ հետևյալ հեռախոսահամարով 077043 042 Ռոզա Ավագյանին։