«Ագաթ» հաշմանդամություն ունեցող կանանց իրավունքների պաշտպանության կենտրոն հասարակական կազմակերպությունն աշխատանքի է հրավիրում հոգեսոցիալական առողջության ոլորտի փորձագետի։
Հաստիքը՝ մարդու իրավունքների ոլորտի, հոգեսոցիալական առողջության ոլորտի փորձագետ
Աշխատանքի տեսակը՝ գործարքային
Աշխատանքի վայրը՝ Շիրակի մարզ
Աշխատանքային օրեր՝ ճկուն
Աշխատաժամեր՝ ճկուն
Աշխատանքի սկիզբ՝ փետրվարի 2
Աշխատանքի ավարտ՝ սեպտեմբերի 30
Դիմելու վերջնաժամկետը՝ հունվարի 30
Դիմելու համար անհրաժեշտ է ուղարկել հայերեն ինքնակենսագրական(CV) և մոտիվացիոն նամակ (Motivational Letter) [email protected] էլ.հասցեին մինչև 2026 թ հունվարի 30-ը։
Հիմնական գործառույթը եւ պարտականությունները
Հոգեկան առողջության իրավունքների փորձագետը պատասխանատու է
- Մոդերացնել 5 համագործակցային հանդիպումներ Շիրակի մարզի տարբեր համայնքներում տեղական ինքնակառավարման մարմինների, սոցիալական ծառայությունների, առողջապահական հաստատությունների, կրթական հաստատությունների և ոստիկանության ներկայացուցիչների հետ՝ շեշտադրելով հոգեկան առողջության խնդիրներ ունեցող անձանց իրավունքների ճանաչումը և խտրականության բացառումը։
- Մասնակցել մեկ մասնագիտական կլոր սեղանի և թեմատիկ հանդիպման շահառուների և պետական կառույցների միջև՝ նպաստելով երկխոսության, փոխադարձ արձագանքման և համագործակցության ձևավորմանը։
- Մշակել առաջարկությունների փաթեթ՝ ուղղված Հայաստանի Հանրապետության կառավարությանը՝ հիմնված համայնքահեն հոգեկան առողջության մոդելի վրա և համապատասխան ԱՀԿ և ՄԱԿ ուղեցույցներին ու միջազգային չափանիշներին։
- Մշակել խնդիրների ընդհանուր օրակարգ, որի շուրջ հնարավոր կլինի հետագա համագործակցություն մարզպետարանների, համայնքապետարանների և հասարակական կազմակերպությունների հետ։
- Մշակել քաղաքականության վերաբերյալ առաջարկությունների փաթեթ՝ հիմնված շահառուների կարիքների և փորձի վրա՝ ապահովելով նրանց իմաստալից մասնակցությունը։Առաջարկությունների մշակման արդյունքները կներկայացվեն համապատասխան պետական կառույցներին, խորհրդարանական հանձնաժողովներին և միջազգային գործընկերներին՝ հանրային լսումների, քաղաքականության ազդեցության քննարկումների կամ երկխոսության հարթակների միջոցով։
Անհրաժեշտ որակներ
- համապատասխան բարձրագույն կրթություն (հոգեկան առողջության, սոցիալական աշխատանքի, հոգեբանության, իրավունքի, հանրային քաղաքականության կամ հարակից ոլորտներում),
- հոգեկան առողջության, հաշմանդամության իրավունքների կամ սոցիալական քաղաքականության ոլորտում համապատասխան մասնագիտական փորձառություն,
- քաղաքականության մշակման և/կամ շահերի պաշտպանության գործընթացներում ներգրավված լինելու փորձ,
- հոգեսոցիալական հաշմանդամություն ունեցող անձանց հետիրավունքահեն և մասնակցային մոտեցումներով աշխատանքի փորձ,
- պետական և համայնքային կառույցների, ինչպես նաև քաղաքացիական հասարակության կազմակերպությունների հետ համագործակցության փորձ,
- բազմաոլորտային կամ ծրագրային թիմում աշխատելու և համագործակցելու փորձ։
Անհրաժեշտ փափուկ հմտություններ
- Պատասխանատվություն և պարտաճանաչություն
- Սթրեսակայունություն
- Ճգնաժամային իրավիճակներում արագ կողմնորոշվելու կարողություն
- Թիմային աշխատելու պատրաստակամություն
Այս հայտարարությունը պատրաստվել է «Կարիտաս Արեգակ» բարեգործական հիմնադրամի կողմից իրականացվող «Հոգեկան առողջության իմ իրավունքն ու համայնքում ապրելու հնարավորությունը» ենթադրամաշնորհային ծրագրի շրջանակներում, որն իրականացվում է Եվրոպական միության կողմից ֆինանսավորվող «Իրավունքներ, ծառայություններ, մասնակցություն․ Հայաստանում հոգեկան առողջության համապարփակ շրջանակի խթանում» եռամյա ծրագրի շրջանակում։ Ծրագիրն իրականացվում է Հելսինկյան քաղաքացիական ասամբլեայի Վանաձորի գրասենյակի, Ժողովրդավարության զարգացման հիմնադրամի, «Հաշմանդամություն ունեցող անձանց իրավունքների
օրակարգ» ՀԿ-ի և Հոգեկան առողջության հայկական ասոցիացիայի կողմից։