«Ագաթ» հաշմանդամություն ունեցող կանանց իրավունքների պաշտպանության կենտրոն հասարակական կազմակերպությունը «Կանայք որպես խաղաղաշինության դեսպաններ» ծրագրի շրջանակում հրավիրում է ոլորտային մասնագետների փորձագետների՝ դասընթաց վարելու հետևյալ թեմաներով՝
- Կանայք, խաղաղություն և անվտանգություն (ԿԽԱ/WPS) օրակարգ, ՄԱԿ ԱԽ 1325 և 2475 բանաձևերը, ինչպես նաև ԿԽԱ օրակարգի ազգային գործողությունների ծրագիր
- Խաղաղաշինության հիմունքները․ կանանց և հաշմանդամություն ունեցող կանանց դերը խաղաղաշինական գործընթացներում
- Կոնֆլիկտների վերլուծություն և հաղթահարում, խաղաղաշինության համատեքստում․ հաղորդակցություն, գործիքներ և ռազմավարություններ
- Շահերի պաշտպանությունը խաղաղաշինական գործընթացներում․ իրազեկման և համայնքային արշավների պլանավորում և իրականացում
Դասընթացի անցկացման վայր՝ Երևան։
Դասընթացի անցկացման նախնական օրեր՝ հունվարի 15-ից 21-ը ընկած ժամանակահատված։
Դասընթացի նպատակն է հզորացնել Հայաստանի մարզերում բնակվող և Լեռնային Ղարաբաղից տեղահանված 35 հաշմանդամություն ունեցող կանանց և աղջիկների՝ նրանց պատրաստելով հանդես գալ որպես խաղաղաշինության դեսպաններ իրենց համայնքներում, ակտիվորեն մասնակցել որոշումների կայացման գործընթացներին, իրականացնել շահերի պաշտպանության և իրազեկման նախաձեռնություններ, ինչպես նաև նպաստել «Կանայք, խաղաղություն և անվտանգություն» օրակարգի առաջմղմանը համայնքային մակարդակում։
Հետաքրքրված թեկնածուներին խնդրում ենք մինչև 2026 թ․ հունվարի 7-ը [email protected] էլ. հասցեին ներկայացնել հետևյալ փաստաթղթերը՝ թեմայի տողում նշելով համապատասխան դասընթացի թեման․
- Ինքնակենսագրություն (CV), որը արտացոլում է համապատասխան փորձը և որակավորումները
- Ուղեկցող նամակ, որտեղ ներկայացված կլինի վերապատրաստման Ձեր մոտեցումը և այն, թե ինչպես է Ձեր փորձը համապատասխանում դասընթացի նպատակներին
- Գնային առաջարկ
Լրացուցիչ տեղեկությունների համար կարող եք գրել [email protected] էլ. հասցեին կամ զանգահարել՝ (+374) 77 962 863, Լենա Հովհաննիսյան։