Հաշմանդամություն ունեցող անձինք կարող են ակտիվորեն մասնակցել քաղաքական գործընթացներին:
«Ագաթ» հաշմանդամություն ունեցող կանանց կենտրոն հասարակական կազմակերպությունը «Քաղաքացիական հասարակությունը Հայաստանում ընտրությունների նախապատրաստման եվ մոնիտորինգի գործընթացներում. «Ընտրություններ բոլորի համար» ծրագրի շրջանակներում դասընթացներ կանցկացնի Հայաստանի տարածաշրջաններում՝ Երևանում, Գյումրիում, Վանաձորում, Իջևանում: Դասընթացների նպատակն է խթանել հաշմանդամություն ունեցող անձանց մասնակցությունը ընտրական գործընթացներին: Արդյունքում կընտրվեն դասընթացի 35 մասնակիցներ, ովքեր Հելսինկյան Քաղաքացիական Ասամբլեայի Վանաձորի գրասենյակի կողմից կվերապատրաստվեն որպես դիտորդներ և առաջիկա Ազգային ժողովի ընտրությունների օրը կիրականացնեն դիտորդական առաքելություն:
Ծրագիրը իրականացվում է ՕքսԵՋեն հիմնադրամի և Հելսինկյան Քաղաքացիական Ասամբլեայի Վանաձորի գրասենյակի կողմից՝ «Ներառական իրավական բարեփոխումների կոալիցիայի», «Հետաքննող լրագրողներ» ՀԿ-ի, «Ռեգիոն» հետազոտական կենտրոնի և Քաղաքական դասընթացների երևանյան դպրոցի հետ համատեղ: Ծրագիրը ֆինանսավորվում է Եվրոպական միության կողմից: