Կազմակերպություն՝ «Ագաթ» հաշմանդամություն ունեցող կանանց իրավունքների պաշտպանության կենտրոն հասարակական կազմակերպություն
Անցկացման վայր՝ ք․ Վանաձոր
Դասընթացի օր ՝ Հունիսի 2
Մասնակցության հայտերի ընդունման վերջնաժամկետ՝ 2022 թվ․, հունիսի 1
«Ագաթ» հաշմանդամություն ունեցող կանանց իրավունքների պաշտպանության կենտրոն հասարակական կազմակերպությունը հրավիրում է Լոռու մարզի ԶԼՄ ներկայացուցիչներին` լրագրողներին, օպերատորներին, ռեժիսորներին, թղթակիցներին և լրագրությամբ զբաղվող ուսանողներին, մասնակցելու «Ես կարող եմ կոտրել կարծրատիպեր իմ համայնքում» ծրագրի շրջանակներում կազմակերպվող դասընթացին:
Դասընթացի նպատակն է` ԶԼՄ ներկայացուցիչների և լրագրությամբ զբաղվող ուսանողների կարողությունների զարգացումը և հզորացումը, նրանց իրազեկումը հաշմանդամության` մարդու իրավունքների մոդելի, հաշմանդամություն ունեցող կանանց և աղջիկների հետ աշխատելու և հաղորդակցվելու, ճիշտ տերմինաբանություն օգտագործելու վերաբերյալ:
Դասընթացը միտված է նաև հաշմանդամություն ունեցող կանանց և աղջիկների նկատմամբ առկա գենդերային և հաշմանդամության հիմքով կարծրատիպերը կոտրելուն:
Դասընթացի թեման է` «Մեդիա և հաշմանդամություն»:
Դասընթացի արդյունքում մասնակիցները`
- կվերապատրաստվեն և կսովորեն ճիշտ տեսանկյունից ներկայացնել և լուսաբանել հաշմանդամություն ունեցող տարբեր խմբերի կանանց և աղջիկներին լրատվամիջոցներում,
- ձեռք կբերեն գիտելիքներ և հմտություններ հաշմանդամություն ունեցող տարբեր խմբերի կանանց և աղջիկների հետ հարցազրույցներ վարելու վերաբերյալ,
- կզարգացնեն շփման և հաղորդակցման գիտելիքները, կարողություններն ու հմտությունները՝ հաշմանդամություն ունեցող կանանց և աղջիկների հետ աշխատելու և հաղորդակցվելու նպատակով։
Մասնակիցներին կներկայացվեն և կբաժանվեն նաև ծրագրի շրջանակներում «Ագաթ» ՀԿ-ի կողմից պատրաստված տեղեկատվական նյութեր` հաշմանդամություն ունեցող կանանց և աղջիկների հետ հաղորդակցվելու և աշխատելու հմտությունների զարգացման նպատակով:
Դասընթացն անցկացվելու է Վանաձոր քաղաքի «Կիրովական» հյուրանոցի նիստերի դահլիճում սույն թվականի հունիսի 2-ին:
Հասցե՝ ք. Վանաձոր, Մաշտոցի փող., 1 շենք
Դիմելու ընթացակարգ
Դասընթացով հետաքրքրված անձինք կարող են լրացնել առցանց հայտադիմումը՝ անցնելով` https://forms.gle/ALymSrVPNDiMcybG8 հղումով:
Հայտերի ընդունման վերջնաժամկետն է՝ 2022 թվ.-ի հունիսի 1-ը, ժամը 18:00:
Լրացուցիչ տեղեկությունների համար կարող եք զանգահարել կամ տեքստային հաղորդագրություն ուղարկել +374 77 043 042 հեռախոսահամարին կամ գրել [email protected] էլետրոնային հասցեին:
Սույն հայտարարությունը տարածվել է Եվրոպական միության կողմից ֆինանսավորվող և «ՄԱԿ Կանայք»-ի ու ՄԱԿ-ի Բնակչության հիմնադրամի կողմից իրականացվող «ԵՄ-ն հանուն կանանց և տղամարդկանց իրավահավասարության. Միասին ընդդեմ գենդերային կարծրատիպերի և բռնության» ծրագրի շրջանակներում։
Այս հրապարակումը պատրաստվել է Եվրոպական միության ֆինանսական աջակցությամբ։ Բովանդակության համար պատասխանատվություն են կրում ՄԱԿ-ի Բնակչության հիմնադրամն ու «ՄԱԿ Կանայք» կազմակերպությունը, և պարտադիր չէ, որ այն արտահայտի Եվրոպական միության տեսակետները: