Պաշտոն՝ Ներառական իրավական բարեփոխումների կոալիցիայի համայնքային հանդիպումների, աշխատաժողովների և ենթադրամաշնորհային ծրագրերի մշտադիտարկման և գնահատման մասնագետ
Աշխատաժամանակ՝ 40% զբաղվածություն
Տևողություն՝ մինչև 30 ապրիլի, 2023թ․
Աշխատանքի սկիզբ՝ 13 հունիսի, 2022թ․
Վայրը` Հայաստանի Հանրապետություն
«Դեպի ներառական Հայաստան» ծրագրի շրջանակներում Ներառական իրավական բարեփոխումների կոալիցիան հայտարարում է Կոալիցիայի անդամ կազմակերպությունների կողմից իրականացվող ենթադրամաշնորհային ծրագրերի և համայնքային հանդիպումների, աշխատաժողովների մշտադիտարկման և գնահատման մասնագետի թափուր աշխատատեղի մրցույթ:
Մշտադիտարկման և գնահատման մասնագետը հաշվետու է ծրագրի ղեկավարին և Կոալիցիայի համակարգողին:
Աշխատանքային պարտականություններ՝
- մշակել Կոալիցիայի անդամ կազմակերպությունների կողմից իրականացվող ենթադրամաշնորհային ծրագրերի, համայնքային հանդիպումների և աշխատաժողովների մշտադիտարկման և գնահատման համար անհրաժեշտ մշտադիտարկման և գնահատման պլաններ, գործիքակազմ ու միջոցներ, կազմել մշտադիտարկման և գնահատման ձևաթղթեր, այդ թվում՝ տվյալների հավաքագրում, վերլուծություն և հաշվետվություն։
- սերտորեն աշխատել ծրագրային թիմի հետ՝ մշակելու ծրագրի արդյունավետության չափման ցուցիչներ,
- հետևել և հավաքագրել տվյալներ ցուցիչների և ենթադրամաշնորհային ծրագրերի, համայնքային հանդիպումների, աշխատաժողովների հաշվետվությունների վերաբերյալ,
- այցելել հանդիպումների, ենթադրամաշնորհային ծրագրերի իրականացման վայրեր,
- վերլուծել տվյալները և ներկայացնել ծրագրային հաշվետվություն ըստ պահանջի
- ծրագրային թիմին տրամադրել տեխնիկական աջակցություն մշտադիտարկման և գնահատման հարցում և փաստերի վրա հիմնված խորհուրդներ,
- կատարել մշտադիտարկման և գնահատման մասնագետի պարտականությունից բխող այլ աշխատանքներ։
Պահանջվող որակավորում և հմտություններ՝
- Բարձրագույն կրթություն, նախընտրելի է սոցիալական գիտությունների ոլորտում,
- նվազագույնը 3 տարվա աշխատանքային փորձ դրամաշնորհային ծրագրերի մշտադիտարկման և գնահատման ոլորտում,
- մշտադիտարկման և գնահատման մեթոդների՝ այդ թվում քանակական և որակական տվյալների հավաքագրման, մշակման և վերլուծության խորն իմացություն,
- ծրագրի արդյունավետությանը հետևելու նպատակով մշտադիտարկման և գնահատման համակարգի ստեղծման և օգտագործման փորձ,
- վերլուծելու, հաղորդակցման, խնդիրների լուծման, թիմային աշխատանքի և ղեկավարման գերազանց հմտություններ,
- հաշվետվությունների կազմման գերազանց հմտություններ,
- անգլերենի և հայերենի գրավոր և բանավոր գերազանց իմացություն,
- համակարգչային գիտելիքներ՝ MS Word, Excel և այլ տվյալների բազայի ծրագրեր,
- ստեղծագործ մտածողություն, նախաձեռնողական և պրոակտիվ մոտեցում,
- անկախ և թիմում աշխատելու, ինչպես նաև պաշտոնից բխող այլ հանձնարարություններ կատարելու, ժամանակը կառավարելու և սթրեսային իրավիճակներում գործելու ունակություն։
Դիմելու ընթացակարգը․
Համապատասխան որակավորում և հմտություններ ունեցող անձինք կարող են ներկայացնել իրենց ինքնակենսագրականը (CV) և հետաքրքրվածության նամակը հայերեն կամ անգլերեն լեզուներով [email protected] հասցեին մինչև ս.թ հունիսի 5-ը։
Էլեկտրոնային նամակի վերնագրում խնդրում ենք նշել «Ծրագրերի մշտադիտարկման և գնահատման մասնագետ», Անուն ազգանուն։
Հայտարարությունը տարածվում է «Դեպի ներառական Հայաստան» ծրագրի շրջանակում: Ծրագիրը ֆինանսավորվում է Եվրոպական միության կողմից:
Այս հրապարակումը պատրաստվել է Եվրոպական միության ֆինանսական աջակցությամբ: Բովանդակության համար պատասխանատվություն է կրում «Ագաթ» հաշմանդամություն ունեցող կանանց իրավունքների պաշտպանության կենտրոն ՀԿ-ն՝ ի դեմս Ներառական իրավական բարեփոխումների կոալիցիայի, և պարտադիր չէ, որ արտահայտի Եվրոպական միության տեսակետները: