Աշխատանքի սկիզբ։ Ապրիլի 1, 2022թ.
Աշխատանքի ավարտ։ Մայիսի 15, 2022թ.
Դիմումների ընդունման վերջնաժամկետ՝ 25 մարտ, 2022թ.
Դիմելու ընթացակարգը — Դիմել կարող են ՀՀ-ում գրանցված տեսանյութերի նկարահանման փորձ ունեցող իրավաբանական անձինք։
«Ագաթ» հաշմանդամություն ունեցող կանանց իրավունքների պաշտպանության կենտրոն ՀԿ-ն Ազգային Ժողովրդավարական Ինստիտուտի կողմից հիմնված «Հավասար իրավունքներ գործողության մեջ» հիմնադրամի ֆինանսական աջակցությամբ իրականացվող ծրագրի շրջանակներում հայտարարում է սոցիալական հոլովակների սցենարի մշակման և նկարահանման աշխատանքների մրցույթ։
Սոցիալական հոլովակի/ների թեմաները՝
- Հաշմանդամություն ունեցող կանանց նկատմամբ ֆիզիկական և սեռական բռնություն
- Հաշմանդամություն ունեցող կանանց նկատմամբ հոգեբանական բռնություն
- Հաշմանդամություն ունեցող կանանց նկատմամբ տնտեսական բռնություն
Պարտադիր պայման
Սոցիալական հոլովակները պետք է մատչելի լինեն հաշմանդամություն ունեցող անձանց տարբեր խմբերի համար` ուղեկցվեն հայերեն ժեստերի լեզվի թարգմանությամբ, ենթագրերով և ձայնային նկարագրությամբ։
Աշխատանքի նկարագրություն
Համագործակցելով ծրագրի աշխատակազմի հետ՝
- կազմել հոլովակի սցենար,
- քննարկել և որոշելհոլովակի ֆորմատը,
- իրականացնել հոլովակի նկարահանում և խմբագրում,
- հոլովակը համադրել հայերեն ժեստերի լեզվի թարգմանությամբ և ենթագրերով,
- պատրաստել նույն հոլովակի ձայնային նկարագրությամբ տարբերակը՝տեսողության խնդիրներ ունեցող անձանց համար,
- շտկել թերությունները` կազմակերպության դիտարկումների և առաջարկությունների հիման վրա:
Պահանջվող որակավորումներ և հմտություններ
- Սոցիալական հոլովակների սցենարի կազմման, նկարահաման և խմբագրման աշխատանքային փորձ,
- Ստեղծագործական մտածողություն,
- Թիմում աշխատելու ունակություն,
- Հաղորդակցման հմտություններ,
- Հաշմանդամություն ունեցող անձանց իրավունքների և տեսանյութերի մատչելիության տարբեր ձևաչափերի վերաբերյալ իմացությունը կդիտվի որպես առավելություն։
Դիմելու կարգը
Հետաքրքրված թեկնածուներին խնդրում ենք ուղարկել հետաքրքրության նամակ և նկարահանված տեսանյութերի հղումները [email protected] էլ. հասցեին՝ նամակի թեմայի տողում նշելով «Սոցիալական հոլովակների նկարահանում»: Այլ տեղեկությունների համար կարող եք զանգահարել 077-043-042 հեռախոսահամարով:
Պահանջները բավարարող թեկնածուները կհրավիրվեն հարցազրույցի: