«Ագաթ» հաշմանդամություն ունեցող կանանց իրավունքների պաշտպանության կենտրոն հասարակական կազմակերպությունը` Հայաստանում կանանց հիմնադրամի կողմից ֆինանսավորվող` «Ֆեմինիզմ և հաշմանդամություն» ծրագրի շրջանակներում հրավիրում է անհատ փորձագետներին/դասընթացավարներին ներկայացնելու դասընթացներ վարելու ծառայությունների մատուցման վերաբերյալ հետաքրքրվածության հայտեր:
Ծրագիրը միտված է հզորացնելու Հայաստանում հաշմանդամություն ունեցող կանանց և «Ագաթ» ՀԿ-ի աշխատակազմի շրջանում ֆեմինիստական գաղափարախոսության վերաբերյալ իրազեկության բարձրացմանը` առցանց դասընթացների միջոցով:
Պահանջվում են դասընթացավար-փորձագետներ հետևյալ թեմաների համար՝
- Ֆեմինիզմ և գենդերային հավասարություն, ավանդապաշտություն և կարծրատիպեր
- Ֆեմինիզմ. ներքին քննարկումներ, կոնֆլիկտներ և հակասություններ
- Ֆեմինիստական շարժումը և կանանց իրավունքները Հայաստանում, հայ ֆեմինիստ կանայք
- Կոնֆլիկտներ, տեսակները և հաղթահարման եղանակները
- Ֆեմինիզմ և կանանց նկատմամբ բռնություն, տեսակները, կանխարգելման վարչաիրավական մեխանիզմները
- Կանանց և տղամարդկանց հավասար իրավունքների և հավասար հնարավորությունների ապահովման մասին ՀՀ օրենք, ՄԱԿ-ի Կանանց նկատմամբ խտրականության բոլոր ձևերի վերացման մասին կոնվենցիա:
Դասընթացների իրականացման ժամանակահատված`հունվարի15-փետրվարի 28 2022 թվ:
Մասնակցելու վերաբերյալ հետաքրքրվածության հայտերը անհրաժեշտ է ուղարկել մինչև 10.01.2022թ., ժամը 18:00-ն [email protected] հասցեով` վերնագրի տողում նշելով Դասընթաց վարելու հետաքրքրության հայտ:
Ծրագրի վերաբերյալ մանրամասներին կարող եք ծանոթանալ «Ագաթ» ՀԿ-ի կայքէջում` Agate – Rights Defense Center for Women with Disabilities NGO (agatengo.org)
Միևնույն փորձագետը կարող է հայտ ներկայացնել մեկից ավելի դասընթացներ վարելու համար:
Լրացուցիչ տեղեկությունների համար կարող եք զանգահարել կամ տեքստային հաղորդագրություն ուղարկել 077043042 հեռախոսահամարին: