Պաշտոն՝ «Դեպի ներառական Հայաստան» ծրագրի հանրային կապերի մասնագետ
Աշխատանքի ծավալ՝ 40% զբաղվածություն
Տևողություն՝ մինչև 30 ապրիլի 2023 թ․
Աշխատանքի սկիզբ՝ 10 օգոստոսի 2022 թ․
Դիմումների ընդունման վերջնաժամկետ՝ 7 օգոստոսի 2022 թ.
«Ագաթ» հաշմանդամություն ունեցող կանանց իրավունքների պաշտպանության կենտրոն ՀԿ-ն «Դեպի ներառական Հայաստան» ծրագրի շրջանակներում հայտարարում է ծրագրի հանրային կապերի մասնագետի (PR specialist) թափուր աշխատատեղի մրցույթ։
Ծրագրի հանրային կապերի պատասխանատուն հաշվետու է ծրագրի ղեկավարին և Ներառական իրավական բարեփոխումների կոալիցիայի համակարգողին։
Աշխատանքային պարտականություններ՝
- սերտորեն համագործակցել Կոալիցիայի հաղորդակցության հանձնաժողովի համակարգողի հետ,
- ապահովել ծրագրի շրջանակներում Կոալիցիայի կողմից իրականացվող գործողությունների տեսանելիությունը,
- մշտապես թարմացնել Կոալիցիայի Ֆեյսբուքյան էջը, խթանել հետևորդների թվի կայուն աճը, հետևել էջում գրառումներին և մեկնաբանություններին,
- սերտ համագործակցությամբ աշխատել Կոալիցայի նոր ստեղծվող կայքի դիզայների հետ, ապահովել կայքի և դրա առանձին բաժինների բովանդակությունը և անխափան աշխատանքը,
- լուսաբանել ծրագրային գործողությունները, գրել, խմբագրել և տարածել հայտարարություններ, մամուլի հաղորդագրություններ, հոդվածներ կազմակերպության սոցիալական հարթակների, կայքի և այլ մեդիա միջոցների համար,
- պատրաստել թեմատիկ, ինչպես նաև ծրագրի շրջանակներում Կոալիցիայի անդամ կազմակերպությունների կողմից իրականացվող գործողությունները և աշխատաժողովները լուսաբանող նյութեր,
- իրականացնել կազմակերպությանը վերաբերող բոլոր նյութերի մշտադիտարկումը ԶԼՄ-ներում,
- մասնակցել արտագնա հանդիպումներին, անհրաժեշտության դեպքում ծրագրային թիմի հետ մեկնել այլ մարզեր և քաղաքներ,
- կազմել և ներկայացնել եռամսյակային հաշվետվություններ,
- կատարել հանրային կապերի մասնագետի պարտականությունից բխող այլ աշխատանքներ։
Պահանջվող որակավորում և հմտություններ՝
- մասնագիտական կրթություն հաղորդակցման, հանրային կապերի կամ լրագրության ոլորտում,
- նվազագույնը երկու տարվա մասնագիտական աշխատանքային փորձ հանրային կապերի կամ համապատասխան այլ ոլորտում,
- գրաֆիկական ծրագրերի իմացություն, համակարգչային և առցանց հաղորդակցման հմտություններ, թվային գրագիտություն,
- անգլերենի և հայերենի գրավոր և բանավոր գերազանց իմացություն, ռուսերենի իմացությունը ցանկալի է,
- հաշվետվությունների կազմման գերազանց հմտություններ,
- ստեղծագործ մտածողություն, նախաձեռնողական և պրոակտիվ մոտեցում,
- անկախ և թիմում աշխատելու, ինչպես նաև պաշտոնից բխող այլ հանձնարարություններ կատարելու, ժամանակը կառավարելու և սթրեսային իրավիճակներում գործելու ունակություն։
- ոչ խտրական (զգայուն) գրավոր ու բանավոր խոսք։
Դիմելու ընթացակարգ
Համապատասխան որակավորում և հմտություններ ունեցող անձինք կարող են մինչև ս.թ. օգոստոսի 7-ը ներկայացնել իրենց ինքնակենսագրականը (CV) և հետաքրքրվածության նամակը հայերեն կամ անգլերեն լեզուներով [email protected] հասցեին՝ նամակի թեմայի տողում նշելով «Հանրային կապերի մասնագետ»։
Առաջին փուլը հաղթահարած դիմորդները կհրավիրվեն հարցազրույցի:
Տեղեկությունների համար կարող եք զանգահարել 077-043-042 հեռախոսահամարով կամ գրել վերոնշյալ էլեկտրոնային հասցեին։
Հայտարարությունը տարածվում է «Դեպի ներառական Հայաստան» ծրագրի շրջանակում: Ծրագիրը ֆինանսավորվում է Եվրոպական միության կողմից:
Այս հրապարակումը պատրաստվել է Եվրոպական միության ֆինանսական աջակցությամբ: Բովանդակության համար պատասխանատվություն է կրում «Ագաթ» հաշմանդամություն ունեցող կանանց իրավունքների պաշտպանության կենտրոն ՀԿ-ն՝ ի դեմս Ներառական իրավական բարեփոխումների կոալիցիայի, և պարտադիր չէ, որ արտահայտի Եվրոպական միության տեսակետները: