Կազմակերպություն՝ «Ագաթ» հաշմանդամություն ունեցող կանանց իրավունքների պաշտպանության կենտրոն հասարակական կազմակերպություն
Վայր՝ ք. Գյումրի, Բաղրամյան 17
Տևողություն՝ 9 ամիս
Ներգրավվածություն՝ կես դրույք
Աշխատանքի Սկիզբ՝ ապրիլի 1
Դիմումների ընդունման վերջնաժամկետ՝ 25 մարտի, 2022 թ.:
«Ագաթ» հաշմանդամություն ունեցող կանանց իրավունքների պաշտպանության կենտրոն հասարակական կազմակերպությունը աշխատանքի է հրավիրում հաղորդակցության և հանրային կապերի (PR) մասնագետի։
Ծրագրի նպատակն է նպաստել Հայաստանում հաշմանդամություն ունեցող կանանց նկատմամբ խտրականության և բռնության վերացմանը՝ կանանց հզորացման և նրանց իրավունքների պաշտապանությամբ զբաղվող, ինչպես նաև բռնության ենթարկված անձանց ծառայություններ մատուցող կառույցների կարողությունների զարգացման միջոցով՝ հաշմանդամություն ունեցող կանանց տարբեր խմբերին որակյալ և մատչելի ծառայություններ մատուցելու նպատակով:
Ծրագիրն իրականացվում է Ազգային Ժողովրդավարական Ինստիտուտի կողմից հիմնված «Հավասար իրավունքներ գործողության մեջ» հիմնադրամի ֆինանսական աջակցությամբ:
Աշխատանքային պարտականություններ՝
- Պլանավորել, մշակել և իրագործել հանրային կապերի գործողություններ,
- Ակտիվորեն համագործակցել և համաձայնեցնել կատարած աշխատանքը կազմակերպության հաղորդակցության և հանրային կապերի ղեկավարի հետ
- Կազմակերպել ծրագրային տեղեկատվական միջոցներն ու միջոցառումները,
- Լուսաբանել ծրագրային գործողությունները, գրել, խմբագրել և տարածել հայտարարություններ, մամուլի հաղորդագրություններ, հոդվածներ կազմակերպության սոցիալական հարթակների, կայքի և այլ մեդիա միջոցների համար,
- Մասնակցել արտագնա հանդիպումների, ծրագրային թիմի հետ մեկնել այլ մարզեր և քաղաքներ,
- Կազմել և ներկայացնել ամսեկան հաշվետվություններ,
- Աշխատանքային անհրաժեշտությունից բխող այլ պարտականություններ։
Անհրաժեշտ որակավորում և հմտություններ․
- Մասնագիտական կրթություն հաղորդակցման, հանրային կապերի կամ լրագրության ոլորտում,
- Նվազագույնը մեկ տարվա մասնագիտական աշխատանքային փորձ հանրային կապերի կամ համապատասխան այլ ոլորտում,
- Հայերենի և անգլերենի գերազանց իմացություն, ռուսերենի իմացությունը ցանկալի է,
- Համակարգչային և առցանց հաղորդակցման հմտություններ, թվային գրագիտություն,
- Նորարարական և ստեղծագործական մտածելակերպ,
- Պլանավորման և ժամանակի կառավարման հմտություններ,
- Թիմում աշխատելու հմտություններ:
Գրաֆիկական ծրագրերի իմացությունը և հասարակական կամ հաշմանդամային ոլորտում աշխատանքային փորձը կդիտվի որպես առավելություն:
Դիմելու ընթացակարգ
Նշված որակավորումներին համապատասխանող հետաքրքրված թեկնածուներին խնդրում ենք ուղարկել ինքնակենսագրություն (CV) և հետաքրքրության նամակ [email protected] էլ. հասցեին՝ նամակի թեմայի տողում նշելով «Հաղորդակցության և հանրային կապերի (PR) մասնագետ»: Այլ տեղեկությունների համար կարող եք զանգահարել 077043042 հեռախոսահամարով:
Պահանջները բավարարող թեկնածուները կհրավիրվեն հարցազրույցի: