Բարի գալուստ «Ագաթ» հաշմանդամություն ունեցող կանանց իրավունքների պաշտպանության կենտրոն  հասարակական կազմակերպության կայք: Մեր կազմակերպությունը հիմնադրվել է 2007 թվականին և, կարճ ժամանակահատվածում հասնելով մեծ հաջողությունների, ապացուցել, որ բոլոր դժվարությունները հաղթահարելի են՝ մեժ կամքի ուժի, աշխատասիրության, ուժեղ և լավատես բնավորության շնորհիվ:
Ես կոչ եմ անում ամբողջ աշխարհի հաշմանդամություն ունեցող անձանց լինել ակտիվ, նախաձեռնող և ինքնավստահ, միավորել իրենց ջանքերը` պայքարելու հանուն իրավունքների լիարժեք իրականացման:

Երբ հետ եմ նայում, մեծ ուրախություն եմ ապրում՝ տեսնելով մեր անցած ուղին, հսկայական աշխատանքն ու ձեռքբերումները: Բայց նաև գիտակցում եմ, որ դեռևս շատ անելիքներ ունենք առջևում՝ մեր առաքելությանը հասնելու համար:

Ես ուզում եմ շնորհակալություն հայտնել բոլոր նրանց, ովքեր հասկացել, գնահատել, աջակցել, վստահել են մեզ և մշտապես եղել են «Ագաթ» կազմակերպության կողքին: Ձեր բոլորի բարոյական և ֆինանսական աջակցությունը մեզ քաջալերել և մեծ խթան է հանդիսացել, որ ավելի մեծ եռանդով շարունակենք մեր աշխատանքը:

 

«Ագաթ» հաշմանդամություն ունեցող կանանց

իրավունքների պաշտպանության կենտրոն

ՀԿ նախագահ՝ ԿարինեԳրիգորյան      

   

This post is also available in: English